السلام عليكم ورحمة الله وبركاته ..
ما اعرف للمقدمات موضوعي للفضفضة واحتاج دعواتكم كرماً
انا عمري فالعشرينات و انا متاكده كلكم رح تقولولي انتي صغيييره و استمتعي بحياتك بس ارجوكم افهموني انا في مجتمع كل البنات فيه ينخطبو بدري يعني الوحده تتخرج من الكلية و تتزوج خلال شهر أو شهرين … و من الجامعه او الثانويه تكون مخطوبة .
نحن وضعنا المادي و الإجتماعي أقل من كل أقاربنا ولا حد يفكر فينا … وجودنا و عدمه واحد
لكن تعالو شوفو أقاربنا اللي الله منعم عليهم لو يصير يخطبون البنت و هي ما كملت شهر رح يخطبوها .. ما اعرف شعور إن البنت تنخطب أو وحده تلمّح انها تتمناني لابنها او اخوها
ما تتصورون لأي درجه ودي أصير أم ,,,, صارلي تقريبا 4 سنين أتابع مدونات أمهات و أقرأ يوميات أولادهم وأتابع عاليوتيوب برامج عن الأطفال و السوبرناني ….
وفي السوق دخلوني محل أطفال و اتركوني بالساعات مو مشكله بجلس اتفرج عالأغراض وأحلم أحلام يقظه ….و أحيانا لما ألقى أغراض مميزة والله يكون ودي اشتريهم أخاف لوجا وقت ما أصير أم (إذا ربي راد) ما ألاقيها ..
ولما ما بقى بنت في مجتمعي عانس مثلي زاد الطين بلّه.. في الدوام الكل متزوجات و لما يتكلمون أكره نفسي وأحس بنقص شديد والصراحه مزحهم قاسي و انا حساسه …
دايما يقولون لي مثلاً عن شايب و ش رايك تأخذيه … أو يقولو ليش ما تزوجتي للحين ما أحد يبغيك …ليش ما تروحين عند الخطابه (مع إني عمري ماإشتكيت لهم بالعكس أوضح لهم ما يهمني وأنا لسى صغيره)
صديقاتي لما صارو أمهات إختلفت إهتماماتنا … مالهم خلق للسوالف …. بنات أقاربي الكل متزوجات واللي مو متزوجات مملكات و أعراسهم قريبة (الله يتمم لهم على خير و يسعدهم)
والله كل يوم يمر وأنا هالموضوع هاجسي أخاف أعيش هالوضع طول عمري في مرحلة العنوسة
و اللي حولي خلفو و يمكن يكونون صاروا جدات.
4 Responses
حبيبتي لا تقوولي مستوانا المادي قليل أو أي شيء زي كذا
الزواج يا عمري نصيييب ربي كاااتبه لك
أولا عليك الرضا بحالك وبقضاء ربي
ثانيا لا تجعلي الزواج أكبر همك
والزمي الاستغفار وربي يجيب الخير والرزق بإذن الله
الصلاه بوقتها + الاستغفار + الدعاء
أشكي وفضفضي لربك وما راح يخيبك
أسأل الله ان يرزقك الزوج الصالح اللي يسعدك ويعينك ع الخير
اللهم آميين
ياشيخه الله يعوضك خير ويوفقك لاتفضفضين ولاتعترفين اساسا بوجود المشكله تناسيها وشو ماتزوجتي يعني الرجال
بيمنع عنك الموت .. صح الزواج شئ لابد منه ومافيه بنت ماتتمناه بس روحي اسالي المتزوجات بتقولك اوك زين بس
بشروط اذا كان يخاف الله وانسان طيب خلوق و… و … غير كذا ماعليه حسوفه
كبري عقلك ولاتفكرين كثير بهالموضوع واذا بتجيك الفكره على طول ادعي ربي اني لما انزلت الي من خير فقير
رب هب لنا من ازواجنا وذرياتنا قرة اعين مو شرط تصلين عشان تدعين
استغفري دايم بنية الزواج
والاهم من هذا كله صلاة الليل اذا جت الساعه 2 والا 3 افرشي سجادتك وصلي ركعتين وادعي بس اهم شرط بالدعاء اليقين
والاخلاص بالدعاء يكون طالع من قلبك وبالك مو مشغول باي شئ ثاني
وصدقيني ربي مايردك ويعوض صبرك خير وماتاخرتي الا الموضوع فيه خيره لك
عيشي حياتك قبل الارتباط ارتاحي لك شوي من الهم لاتشغلين نفسك وش مشكلتك زواج اتركيها على الله بيجي متى ماقسم لك ربي
غيرك يصارع الامراض والموت وبلاوي الدنيا ماتخلص وانتي ادرى .. هونيها تهون كيريها تكبر مشكلتك بيدك انتي
ومبين عليك الحزن والاسى وتقولين ليش يحسسوني اول شئ انتي حساسه مره وهالموضوه بالذات مصدر ازعاج عشان كذا تتحسسين
وبرضو باااااااااااين عليك بدون ماتحسين .. غيري نفسك من جوا وحبي نفسك زي مانتي راح ينعكس عليك وعلى اللي حواليك
واللي بينك وبين ربي من صدقه ودعاء هذا يكيفي الحون والهم مايقدم شئ بالعكس ياخره لان اللي حولك يقرونه بوجهك !
بالنسبه للمستوى الاجتماعي والله شئ يضحك من جدك ماراح تنخطبين عشان كذا ؟؟؟؟؟؟؟؟؟ يا اختي هذا نصيب مستوعبه !!!!!!
لا اثاث ولابيت ولاغنى ولافقر راح يجيب وياخر شئ الرجال اذا جاء وربي قسم بيجي عشان سمعتكم وتربيتكم ودينك واخلاقك ماذكرت الجمال لان بصراحه بهالزمن كثرة فيه الفتن وترا اخر شئ يفكر فيه الرجال يكفيه تكونين مملوحه وسلامتك
الله يرزقك من واسع فضله
الله يرزقك وبنات المسلممين الازواج الصالحيييين
ببساطه نصيبك ماجاك ولحكمه ربي يعلمها للحين ماتزوجتي والحمد لله
اختي الزواج شراكه وروابط ودم مالها دخل بالمناصب او الفلوس
وكلي امرك لله وماعليك شر
الله يرزقك الزوج و الذريه الصالحه ويعوضك ..
انتي لاتخلي هذا الموضوع يشغل تفكيرك .راح تتعبي وتحسسي زياده .
وصدقيني الزواج عن قناعة افضل من انك بس ترضي الناس والخيره في ما اختاره الله وما عليك من احد
بيني انك مرتاحة ولابعد تفكري بشي .ادرسي وتوظفي وعيشي حيااتك ..لا تعيشين بس عشان الناس وكلام الناس بنت عمي تزوجت ونا لا بنت خالي تزوجت ونا لا ..شيلي الموضوع عن باااالك والزواج قسمه ونصيب ..
وعليك بالاستغفار والدعاء ..وكل شي بيد رب العالمين وبدري على الامومه ..وقدك تفكري ماتجيبي تعوذي من ابليس وتوكلي على ربك الزوواج مش بس اتزوج وخلاص الزواج مسؤلية وبيت وعياال …لاتقولي انا قدها وبتحمل لالا العكس …خلي كل شي في وقته ولا ترهقي نفسك بكثرة التفكير ..خلي من داخل تفاول بربك ورضي اتم الرضا وابشري بالخير